မႂ်ႇသုင်ၶႃႈ မိူဝ်ႈၼႆႉၶႃႈႁဝ်းလႆႈဢဝ် Bitcoin White Paper ဢၼ်ၶႃႈႁဝ်းလႆႈၶတ်းၸႂ် ပိၼ်ႇပဵၼ်ၽႃႇသႃႇတႆးၼၼ်ႉ မႃးတၢင်ႇပၼ် ႁႂ်ႈပီႈၼွင်ႉႁဝ်းၶဝ် လႆႈလူယဝ်ႉၶႃႈ။
Bitcoin White Paper ၼႆႉ ၶဝ်ႈပႃးဝႆႉ လိၵ်ႈဢၼ်ၵပ်းၵၢႆႇတင်း ပၢႆးထႅၵ်ႇၼူဝ်လူဝ်ႇၵျီႇ၊ ပၢႆးၵၢၼ်ငိုၼ်း၊ လွင်ႈ programming ၵမ်ႈပႃႈၼမ်လႄႈ ၶေႃႈၵႂၢမ်းမၢင်ၶေႃႈ တေဢမ်ႇၸၢင်ႈပိၼ်ႇပဵၼ်လိၵ်ႈတႆးၵမ်းသိုဝ်ႈလႂ်၊ ၶေႃႈၵႂၢမ်းမၢင်ၶေႃႈ ဢမ်ႇၸၢင်ႈပိၼ်ႇပဵၼ်လိၵ်ႈတႆးႁႂ်ႈတိူဝ်ႉယမ်လႂ်ၸိူဝ်းၼႆႉ လႆႈဝႃႈပဵၼ်လွင်ႈယၢပ်ႇၽိုတ်ႇလႄႈ ပဵၼ်လွင်ႈယူမ်ႈယွမ်းဝႆႉယူႇၶႃႈ။ ယွၼ်ႉၼၼ် ၶႃႈႁဝ်းၸင်ႇလႆႈၶတ်းၸႂ်ပိၼ်ႇ ၸွမ်းၼင်ႇပွင်ပဵၼ်လႆႈသေ ပိုၼ်ၽႄၼႄပီႈၼွင်ႉႁဝ်းၶဝ်ယူႇဢေႃႈ။
ဢၼ်ၶႂ်ႈထွမ်းတၢင်းၸွႆႈထႅမ်ပီႈၼွင်ႉၽူႈလူၶဝ်ၼၼ်ႉ ၼင်ႇႁိုဝ် Bitcoin White Paper ဢၼ်ပိၼ်ႇပဵၼ်လိၵ်ႈတႆးတေတဵမ်ထူၼ်ႈပွင်ႇၸႂ်ငၢႆႈလိူဝ်သေၵဝ်ႇၼၼ်ႉ ၶႂ်ႈယွၼ်းတၢင်းႁူမ်ႈမိုဝ်းၽူႈလူၶဝ် ၸွႆႈထတ်း/မူၼ်ႉမႄးပၼ် ၶေႃႈၵႂၢမ်းႁႂ်ႈတိူဝ်ႉယမ်သေ ထတ်းသၢင်မႃးယူႇဢေႃႈ။
ထႅင်ႈလွင်ႈၼိုင်ႈ ၼႃႈဝႅပ်ႉသၢႆႉ bitcoin.org ၼၼ်ႉ ႁပ်ႉႁွင်းပၼ်ၶႂၢင်ႉတၢင်ႇ Bitcoin White Paper ဢၼ်ပဵၼ်လၢႆလၢႆၽႃႇသႃႇယူႇသေတႃႉ ၸွမ်းၼင်ႇၶႃႈႁဝ်းၶဝ်ႈလဵပ်ႈႁဵၼ်း ၶတ်းၸႂ်တုၵ်းယွၼ်းၵႂႃႇၼၼ်ႉ ၶဝ်ပႆႇၵမ်ႉထႅမ်ပၼ်လိၵ်ႈတႆးၶႃႈလႄႈ ၶႃႈႁဝ်းၸင်ႇလႆႈဢဝ် Bitcoin White Paper ဢၼ်ပိၼ်ႇပဵၼ်ၽႃႇသႃႇတႆးၼႆႉ မႃးတၢင်ႇဝႆႉပၼ် ၼႂ်းၼႃႈဝႅပ်ႉသၢႆႉ Hao Haa ၼႆႉယဝ်ႉၶႃႈ။
Download ဢဝ် PDF File ၶွင် Bitcoin White Paper
Source: Kem Murng
Ref: HaoHaa