ၼႂ်းမိူင်းမၢၼ်ႈ မီးၵူၼ်း download App Operator ဢမ်ႇ 10 လၢၼ်ႉပၢႆ၊ မိူၼ် MPT, Atom, Ooredoo, Mytel ၸိူဝ်းၼႆႉ ပဵၼ်ဢၼ်ၸွမ်းလင်ၵူၼ်းၸႂ်ႉမၼ်းယဝ်ႉ။

_{ၽၢင်ႁၢင်ႈ App Operator ဢၼ်ယွၼ်ႉၶႂၢင်ႉ Permission}

ဢႅပ်ႉ Operator ၸိူဝ်းၼႆႉ ဢၼ်ဢမ်ႇၵိုင်ႇလီ ယွၼ်း Permission မိူၼ်ၼင်ႇ Microphone, Location ၊ ၵွပ်ႈသင်ၼႆ သင်ဝႃႈ ဢႅပ်ႉ မီးသုၼ်ႇၸႂ်ႉလႆႈ Microphone ၸိုင် ၸဝ်ႈဢႅပ်ႉၼၼ်ႉ လၵ်ႉထွမ်ႇ ဢမ်ႇ လၵ်ႉဢတ်းလႆႈ သဵင်ဢၼ်ႁဝ်းလၢတ်ႈယူႇ ပဵင်းၼင်ႇၾူၼ်းယိုၼ်းထိုင်လႆႈ။ ထႅင်ႈဢၼ်ၵေႃႈ ပေႃးမီးသုၼ်ႇၸႂ်ႉလႆႈ Location ၸိုင် ဢႅပ်ႉၼၼ်ႉ တေႁူႉလႆႈဝႃႈ ႁဝ်းယူႇတီႈလႂ် မိူဝ်ႈလႂ်ၼႆယဝ်ႉ။

ထႅင်ႈလွင်ႈၼိုင်ႈ Operator App ၼႆႉ ႁဝ်းၵူၺ်းလူဝ်ႇၸႂ်ႉ တႃႇသိုဝ်ႉ Data Plan ဢမ်ႇ တူၺ်းလွင်ႈ SIM Card ႁဝ်း ဢႃႇယုမၼ်း မူတ်းႁႃႉ ပႆႇမူတ်း တေမူတ်းမိူဝ်ႈလႂ် မွၵ်ႈၵႃႈၼႆႉၵူၺ်း။ ပဵၼ်သင်လႄႈ App ၶဝ်သမ်ႉ ယွၼ်း Permission တႃႇဢၢၼ်ႇ Contacts ၸိုဝ်ႈမၢႆၾူၼ်းဢၼ်ၵဵပ်းဝႆႉ၊ Camera တႃႇထႆႇၶႅပ်းႁၢင်ႈ လႄႈ ငဝ်းတူင်ႉ၊ File Manager တူၺ်းလႆႈ တႅမ်ႈလႆႈ ၼႂ်း Storage ၾူၼ်း ၸဵမ်ၸိူဝ်းၼႆႉ တီႈတေႉ ဢႅပ်ႉၶဝ်တမ်ႉဢမ်ႇလူဝ်ႇၸႂ်ႉ ၸိူဝ်းၼႆႉ။ ပေႃးၼႆ မၢႆထိုင်ဝႃႈ Operator App ၼႆႉ တိုၼ်းၶႂ်ႈၸွမ်းလင် Spy ၵူၼ်းၸႂ်ႉမၼ်းၵူၺ်းၼႆ ႁူႉလႆႈလီလီယူႇယဝ်ႉ။

လွၵ်းလၢႆးငိူင်ႉဝႄႈမၼ်း

1. ယႃႇပေၸႂ်ႉ Operator App
2. ပေႃးၸႂ်ႉၵေႃႈ ယႃႇပၼ်ၶႂၢင်ႉ Permission သင်

လွၵ်းလၢႆးယႃႇပၼ်ၶႂၢင်ႉ Permission App

1. ၵႂႃႇတီႈ Settings >> App Manager >> လိူၵ်ႈ App Operator
2. ၵႂႃႇတီႈ Permission >> ယဝ်ႉ ပိၵ်ႉပႅတ်ႈ ဢၼ်ဢမ်ႇၸႂ်ႉၼၼ်ႉ

ယွၼ်းသူးႁႂ်ႈသူၸဝ်ႈ ၵူႈၵေႃႉ လွတ်ႈပိူၼ်ႈၸွမ်းလင်သေၵမ်း…

မႂ်ႇသုင်ၶႃႈ

သိူဝ်ႁူမ်ႇၾႃႉ