လဵပ်ႈႁဵၼ်းလွင်ႈ Bitcoin တႃႇ 21 ဝၼ်း

ၶေႃႈသင်ႇ ၽူႈပိၼ်ႇလိၵ်ႈ

မူႇလိၵ်ႈ လဵပ်ႈႁဵၼ်းလွင်ႈ Bitcoin တႃႇ 21 ဝၼ်း ၼႆႉ လႆႈပိၼ်ႇဢဝ်မႃးတီႈ 21 Days of Bitcoin ဢၼ်ၽၢႆႇ Bitcoin Magazine ၶဝ်ပိုၼ်ၽႄဝႆႉသေ ဢၼ်ၽူႈပိၼ်ႇ လႆႈပိၼ်ႇပၼ် လွင်ႈ Bitcoin ၼႆႉၵေႃႈ ဢိင်ၼိူဝ်ၵၢပ်ႈဝၼ်ႈ ပၢၼ်မိူင်း ၶိုပ်းၵၢပ်ႈမႃးၵူႈဝၼ်းဝၼ်းလႄႈ ၸင်ႇလႆႈယိူင်းဢၢၼ်း ႁႂ်ႈပဵၼ်တၢင်း ႁူႉၵႅမ်တူဝ် ၼႆသေ လႆႈပိၼ်ႇဢွၵ်ႇမႃးပၼ် ၽူႈသူၼ်ၸႂ်လဵပ်ႈႁဵၼ်း လွင်ႈ Bitcoin ၶဝ်ယဝ်ႉ။

တီႈၼႆႈ ဢၼ်ၽူႈပိၼ်ႇလိၵ်ႈၶႂ်ႈလၢတ်ႈတႄႉ လွင်ႈ Bitcoin ဢၼ်ပိၼ်ႇသေ ပိုၼ်ၽႄဝႆႉၼႆႉ ယိူင်းဢၢၼ်း တႃႇႁႂ်ႈပဵၼ်တၢင်းႁူႉ တၢင်းႁၼ်ၵႅမ်တူဝ် ၽူႈလူၶဝ်ၵူၺ်း။ ဢမ်ႇၸႂ်ႈၶေႃႈၸိၸမ်ႈၼႄႉၼမ်း ႁႂ်ႈၽူႈလူၶဝ် မႃးလူင်းတိုၼ်းၼႂ်း Bitcoin သေၸိူဝ်ႉသေပိူင်။

ထႅင်ႈလွင်ႈၼိုင်ႈ ယိူင်းဢၢၼ်း ဢၼ်လႆႈပိၼ်ႇၼႆႉ ပဵၼ်တႃႇ ႁႂ်ႈၽူႈလူၶဝ် ဢွၵ်ႇပူၼ်ႉ မူၼ်ႉလွတ်ႈလႆႈတီႈ လွင်ႈၶီႇၼဵၵ်း တဵၵ်းတဵင်ၵၼ် ၼႂ်းၵၢၼ်ငိုၼ်း၊ တႃႇႁႂ်ႈႁူႉႁၼ်ထိုင် လွင်ႈဢၼ်လူင်ပွင်ၸိုင်ႈယိပ်းၵမ်ႁဝ်းဝႆႉၸိူင်ႉႁိုဝ် လႄႈ ႁဝ်းသမ်ႉတေလႆႈၵႄႈလိတ်ႈၸိူင်ႉႁိုဝ် မိူၼ်ၼင်ႇၶေႃႈၵႂၢမ်းမီးဝႆႉဝႃႈ ‘To fix the world, fix the money first’ (တႃႇၵႄႈလိတ်ႈ ပၼ်ႁႃလူင်ၼႂ်းလုမ်ႈၾႃႉၼႆႉလႆႈ ၼၼ်ႉ ႁဝ်းတၵ်းတေလႆႈ ၵႄႈလိတ်ႈတီႈပၼ်ႁႃၵၢၼ်ငိုၼ်းဢွၼ်တၢင်း) ၼႆ ၼၼ်ႉယဝ်ႉ။

လွင်ႈဢၼ်ၽူႈပိၼ်ႇလိၵ်ႈ ပိၼ်ႇလွင်ႈ Bitcoin ပဵၼ်ၽၢႆႇတႆးၼႆႉ ယွၼ်ႉဝႃႈ မၼ်းပဵၼ်လွင်ႈၶဵင်ႇတႃႇ တႃႇတူဝ်ၵဝ်ႇဢၼ်ၼိုင်ႈလႄႈ ၸင်ႇလႆႈၶတ်းၸႂ် ၸၢမ်းပိၼ်ႇတူၺ်းသေ ပိုၼ်ၽႄပၼ် ႁႂ်ႈလႆႈပဵၼ် ပိုၼ်ႉႁူႉပၢႆးႁၼ်ဢၼ်ၼိုင်ႈယဝ်ႉ။

ၶေႃႈယွမ်းၼွမ်း

လွင်ႈ Bitcoin ၼႆႉ ယွၼ်ႉမၼ်းၶဝ်ႈပႃးဝႆႉ လွင်ႈထႅၵ်ႇၼူဝ်ႇလေႃႇၵျီႇ (Technology) ၊ ၵၢၼ်ငိုၼ်း၊ ၵၢၼ်မိူင်း ၸိူဝ်းၼႆႉလႄႈ ၶေႃႈၵႂၢမ်းမၢင်ၶေႃႈ ဢၼ်ပိၼ်ႇမႃးပဵၼ်ၽၢႆႇတႆးၼၼ်ႉ တေဢမ်ႇတိူဝ်ႉယမ်လီလႂ်၊ တေမီးလွင်ႈ ၽိတ်းပိူင်ႈပဵၼ်မၢင်တီႈလႂ်ၸိူဝ်းၼႆႉၵေႃႈပဵၼ်လႆႈယူႇ။ လႄႈ ၶေႃႈၵႂၢမ်းဢင်းၵိတ်း မၢင်ၶေႃႈ တႃႇတႅမ်ႈပဵၼ်လိၵ်ႈတႆးၼၼ်ႉ မၼ်းဢမ်ႇပေႃးသၢင်ႇထုၵ်ႇလႄႈ ၸင်ႇလႆႈၸႂ်ႉ ၶေႃႈၵႂၢမ်းဢင်ၵိတ်းၶိုၼ်းၵေႃႈမီး။

သင်ဝႃႈ ၽူႈလူၶဝ် လူတူၺ်းယဝ်ႉလႄႈ မီးတီႈလႂ် ဢၼ်ဢမ်ႇပွင်ႇၸႂ်ၸိုင် တွင်ႈထၢမ်မႃးတီႈၼႂ်း Page Facebook ၶႃႈႁဝ်းလႆႈၵမ်းသိုဝ်ႈယူႇ။ ဢမ်ႇၼၼ် tag ၸိုဝ်ႈ Twitter ၶႃႈသေ Tweet ထၢမ်မႃးလႆႈမိူၼ်ၵၼ်။

တီႈၵပ်းသိုပ်ႇ

Facebook Page – Kem Crypto

လမ်းၼႂ်း

1. ငိုၼ်းဢိၼ်ႇတိူဝ်ႇၼႅတ်ႉ

2. ၽႂ်လႂ် ၵုမ်းၵမ် Bitcoin ဝႆႉယူႇ?

3. ငိုၼ်းဢၼ်ဝႃႈၼႆႉ ပဵၼ်သင်?

4. တူဝ်ၼပ်ႉၶိုၵ်ႉတွၼ်း – 21 လၢၼ်ႉ

5. Proof of Work (ၸႂ်ႉႁႅင်းတႃႇလႅၵ်ႈသေဢၼ်ဢၼ်)

6. The Halving (ၽႄယွမ်းလူင်းၵမ်းၼိုင်ႈၶိုင်ႈ)

7. Bitcoin Full Nodes – ယႃႇယုမ်ႇၽႂ် ၵူတ်ႇထတ်းဢဝ်လႄႈ (Verify, Don’t Trust)

8. ၸွင်ႇ Bitcoin ၸၢင်ႈထုၵ်ႇၸူင်(hack) လႆႈ?

9. ပၢင်တိုၵ်းလူင်လွင်ႈတၢင်းၽႄ ပီ 2017